Այսօր ԱՀ սոցիալական զարգացման և միգրացիայի նախարարության մի խումբ աշխատակիցներ՝ նախարարի տեղակալ Գագիկ Նազլուխանյանի գլխավորությամբ, այցելել են Ստեփանակերտի Երեխաների խնամքի և պաշտպանության գիշերօթիկ հաստատություն, Ստեփանակերտի Քերոլայն Քոքսի անվան վերականգնողական կենտրոն և քաղաքային ծննդատուն՝ շնորհավորելու մանուկներին Երեխաների պաշտպանության միջազգային տոն օրվա առթիվ։
Նախարարության աշխատակիցները ներկա են գտնվել վերականգնողական կենտրոնի և գիշերօթիկ հաստատության սաների մասնակցությամբ կազմակերպված հանդիսավոր միջոցառումներին, նվերներ բաժանել երեխաներին՝ բարեմաղթելով նրանց անհոգ և առողջ մանկություն, խաղաղ ապագա։
Ստեփանակերտի ծննդատանը տեսակցություն է կազմակերպվել ծննդկանների հետ, նրանց նորածիններին բաժանվել փոքրիկ նվերներ։
ՍԶՄ նախարարության Միասնական սոցիալական ծառայություն գործակալության աշխատակիցները Մարտունի և Մարտակերտ քաղաքներում նույնպես այցելել են հիվանդանոցներ, նվերներ փոխանցել նորածինների մայրիկներին։
