ԱՀ սոցիալական զարգացման և միգրացիայի նախարարի տեղակալ Գագիկ Նազլուխանյանը՝ նախարարության պատասխանատու այլ աշխատակիցների ուղեկցությամբ, այցելել են Հայրենական մեծ պատերազմի վետերաններ Մեսրոպ Պողոսյանին և Սերգեյ Բարսեղյանին՝ նրանց հանձնելով դրամական պարգևներ և այլ նվերներ:
Գերատեսչության աշխատակիցները շնորհավորել են վետերաններին, արժևորել նրանց կերտած հաղթանակը, մաղթել քաջառողջություն և խաղաղություն։
Մեծ հայրենականի մասնակից վետերաններն էլ իրենց հերթին շնորհակալություն են հայտնել սոցիալական զարգացման և միգրացիայի նախարարությանը՝ ցուցաբերած վերաբերմունքի և ուշադրության համար, համոզմունք հայտնելով, որ 90-ականներին հաղթանակ կերտած սերունդը հաղթանակներ է կերտելու նաև ապագայում։
