ԱՀ սոցիալական զարգացման և միգրացիայի նախարարության մի խումբ աշխատակիցներ՝ նախարար Արմինե Պետրոսյանի գլխավորությամբ, արդեն երկրորդ օրն է, ՀՀ-ում մասնակցում են վերապատրաստման դասընթացների։Այսօր դասընթացի օրակարգում «Ընտանիքների ամրապնդման և երեխաների պաշտպանության ծառայությունների», ինչպես նաև «Հայեցակարգային հիմքերը և ներդրման հեռանկարներն Արցախում»թեմաներն էին։
Դրանց շուրջ շնորհանդեսով հանդես են եկել ՀՀ սոցիալական աշխատողների ասոցիացիայի նախագահ Միրա Անտոնյանը և փոխնախագահ Սյուզաննա Ջուհարյանը։
Ասոցիացիայի ներկայացուցիչների կողմից ներկայացվել են սոցիալական ծառայությունների կառավարումը, անձնակազմի կառավարումը և անձնակազմի ինքնախնամքն ու սթրեսի կառավարումը թեմաներով դասախոսություններ։Մասնակիցները քննարկումներ են ծավալել սոցիալական ծառայությունների որակի ապահովման հարցերի շուրջ։
Թեմաների արդիականությունը պայմանավորված է քննարկումների միջոցով սոցիալական ոլորտում առկա խնդիրները վեր հանելու և համատեղ սոցիալական պաշտպանության համակարգի ամրապնդման հայեցակարգ մշակելու հեռանկարով։
