ԱՀ սոցիալական զարգացման և միգրացիայի նախարարության սոցիալ-հոգեբանական աջակցության կենտրոնի Մարտունու բաժնի նախաձեռնությամբ մայիսի 2-ին կազմակերպվել է հանդիպում, որին ներկա են գտնվել ԱՀ ՍԶՄ նախարարի տեղակալ Գագիկ Նազլուխանյանը, ՀՀ սոցիալական աշխատողների ասոցիացիայի նախագահ Միրա Անտոնյանը, Մարտունու շրջվարչակազմի ղեկավարի տեղակալ Վադիմ Դանիելյանը, Մարտունու քաղաքապետ Ազնավուր Սաղեյանը, ներկայացուցիչներ Քննչական կոմիտեից և կրթության ոլորտից։Հանդիպման ընթացքում քննարկված թեմաներից առանձնահատուկ ընդգծվել է Սոցիալ-հոգեբանական կենտրոնի կողմից իրականացվող աշխատանքների կարևորությունը՝ քաղաքացիների սոցիալական կարիքների գնահատման առումով։
Հանդիպման մասնակիցները ներկայացրել են բնակչության սոցիալ-կենցաղային խնդիրների լուծման ուղիների տարբերակներ, այդ համատեքստում կանոնակարգել մասնակից կառույցների հետ փոխգործակցության շրջանակը։
Պայմանավորվածություն է ձեռք բերվել առաջիկայում համատեղ ակտիվ աշխատանքներ իրականացնել՝ Կենտրոնի գործունեության արդյունավետությունը բարձրացնելու նպատակով:
