«Մեկ օր՝ երազանքիս հետ»… Արցախի գիշերօթիկ հաստատությունների սաները, «ՍՕՍ մանկական գյուղեր» հայկական բարեգործական հիմնադրամի «Կոտայք» մասնաճյուղում ապրող իրենց ընկերների հետ այցելել են տարբեր հաստատություններ:
«Ես ապրելու եմ Հայաստանում կամ Արցախում և դառնալու եմ..․» թեմայով անցկացված շարադրությունների մրցույթի ընթացքում բարձրաձայնած իրենց երազանքների հետքերով,
մեկ ամսվա ընթացքում, նրանք հանդիպումներ են ունեցել տարբեր ոլորտի ներկայացուցիչների հետ, խոսել և լսել յուրաքանչյուրն իր երազանքի մասին:
Արցախցի մանուկները, որոնցից բժշկի մասնագիտություն ընտրելու ցանկություն են հայտնել 2 երեխա, բուժքրոջ՝ կրկին 2, մոդելավորողի՝ 1, զինվորականի՝ 3, երգչի՝ 1, մարզչի՝ 2, աճպարարի՝ 1, խոհարարի և պարուհու՝ 1-ական մանուկներ, հայկական երկու հանրապետությունների սոցիալական ապահովության նախարարությունների նախաձեռնությամբ կազմակերպված միջոցառման շնորհիվ, հնարավորություն ստացան ներսից ծանոթանալու այն աշխարհին, որը մտնելու հայտն իրենք արդեն հաստատակամ հայտնել են:
Իսկ մանուկներից մեկն էլ դեռ չի որոշել, թե ինչ մասնագիտություն կընտրի ապագայում, բայց հաստատ գիտի՝ ինչ էլ դառնալու լինի, աշխարհը պիտի ավելի լավը ու բարին դառնա իրենով:
