ԱՀ աշխատանքի, սոցիալական և բնակարանային հարցերի նախարար Միքայել Վիրաբյանն այսօր հանդիպել է «Հելսինկյան նախաձեռնություն-92 » ԼՂՀ կոմիտեի համակարգող, իրավապաշտպան Կարեն Օհանջանյանի հետ։
Հանդիպման ընթացքում կողմերը քննարկել են քաղաքացիների սոցիալական և բնակարանային խնդիրներին վերաբերող հարցեր, ինչպես նաև անդրադարձել աշխատատեղերի ապահովման մեխանիզմներին։
Զրույցի ընթացքում, որպես առանցքային թեմա, քննարկվել է նաև քաղաքացիների բժշկասոցիալական փորձաքննական հանձնաժողովի աշխատանքներին նոր որակ հաղորդելու հարցը։
Երկուստեք կարևորվել է երկրում սոցիալական արդարության ապահովման անհրաժեշտությունն ու քաղաքացիների սոցիալական պաշտպանվածության կայուն համակարգի ստեղծումը։
Հանդիպման վերջում ձեռք է բերվել պայմանավորվածություն՝ նման քննարկումները դարձնել ավանդական։
Քաղաքացիների բժշկասոցիալական փորձաքննական հանձնաժողովի աշխատանքների հետ կապված հարցերի առնչությամբ Միքայել Վիրաբյանն այսօր հանդիպում է ունեցել նաև ԱՀ առողջապահության նախարար Արարատ Օհանջանյանի հետ։ Երկու գերատեսչությունների ղեկավարները քննարկել են օրակարգային հարցի հետ կապված խնդիրներ, ձեռք բերել պայմանավորվածություններ։
