Առողջապահության համաշխարհային կազմակերպության (ԱՀԿ) նախաձեռնությամբ այսօր՝ նոյեմբերի 13-ին նշվում է կույրերի միջազգային օրը:
Օրվա հիմնական նպատակը չտեսնող մարդկանց խնդիրների նկատմամբ հանրության ուշադրության հրավիրումն է, նրանց՝ կրթություն ձեռք բերելու հնարավորությունների ընդլայնում, զբաղվածության ապահովում և որպես արդյունք հասարակության մեջ ինտեգրում:
Այսօր տեսողության խնդիրներ ունեցող մարդկանց լիարժեք կյանքով ապրելու գործում կարևոր նշանակություն ունի ժամանակակից տեխնոլոգիաներից օգտվելու հնարավորությունը, ինչը նպաստում է նրանց կարողությունների և հմտությունների զարգացմանը, դրականորեն անդրադառնում կենսագործունեության բոլոր ուղղություների վրա:
ԱՀ աշխատանքի, սոցիալական հարցերի և վերաբնակեցման նախարարությունը տարբեր ծրագրերի շրջանակներում անդրադառնում է սահմանափակ կարողություններով անձանց խնդիրներին, դրանով իսկ փորձելով ինտեգրել նրանց հասարակական կյանքին:
Սիրելի հայրենակիցներ, մաղթում եմ Ձեզ և Ձեր ընտանիքներին երջանկություն, առողջություն և բարեկեցություն:
Լուսանկարը՝ artsakhpress.am-ի:
