ԱՀ-ում նախատեսվում է իրականացնել «Աղքատության փուլային հաղթահարում» ծրագիրը

«Վորլդ Վիժոն» միջազգային բարեգործական կազմակերպության և «Իմ քայլը» հիմնադրամի ներկայացուցիչներս ԱՀ նախագահ Բակո Սահակյանի հետ այսօր քննարկել ենք «Աղքատության փուլային հաղթահարում» ծրագիրը, որն առաջիկայում նախատեսում ենք իրականացնել Արցախում:

ՍՏԵՓԱՆԱԿԵՐՏ, 16 սեպտեմբերի, ԱՐՑԱԽՊՐԵՍ: ԱՀ  նախագահ  Բակո  Սահակյանի  հետ   հանդիպումից հետո   այս  մասին  «Արցախպրես»-ի  թղթակցի   հետ  զրույցում   ասել  է «Վորլդ Վիժոն» միջազգային բարեգործական կազմակերպության  տնօրեն   ժիրայր  Էդիլյանը:

Նրա  խոսքով՝  ծրագիրը   ենթադրում  է    ընտանիքների  հետ   անհատական  աշխատանքների  իրականացում:
«Այս  ծրագրով   փորձում  ենք    օգնել առավել  խոցելի  ընտանիքներին, որոնք  պետք  է  ապրեն  բարեկեցիկ  կյանքով: Առաջիկայում   հանդիպում  կունենանք  ԱՀ  աշխատանքի, սոցիալական   հարցերի  և  վերաբնակեցման  նախարարի հետ  և  կքննարկենք   թե  որ     շրջաններում  են  ավելի   մեծ  թիվ  կազմում  խոցելի  ընտանիքները:  Մեր  ծրագրի   աջակցության  հիմքում  ընկած է ընտանիքների կարողությունների  վերհանումը,   և   այդ ամենի  վրա  որոշակի  միջամտություններիի կիրառումը, որը  թույլ  կտա    ունեցած  կարողություններով   ավելի   շատ   եկամուտ  ունենալ»,-ավելացրել  է  Ժ. Էդիլյանը:
«Իմ քայլը» հիմնադրամի    գործադիր տնօրեն   Հովհաննես  Ղազարյանի խոսքով՝  վերոնշյալ    ծրագիրն    Հայաստանում    իրականացնում  են  շուրջ  25  ընտանիքների  հետ: ԱՀ-ում  նախատեսվում  է  իրականացնել  20  ընտանիքների  շրջանում:
Հովհ. Ղազարյանը  նշել  է նաև, որ  «Աղքատության  փուլային  հաղթահարում»   ծրագրի  նպատակն  է    համակողմանի    գործիքակազմի  կիրառման  միջոցով  օգնել  ավելի  աղքատ     ընտանիքներին, բացհայտնել  նրանց  ներուժը  և  հնարավորություն  տալ  հաղթահարել  աղքատությունը,    լինել  ինքնաբավ:
ԿԻՍՎԵԼ