Նոյեմբերի 4-ը` ՀՀ սոցաշխատողի օր

Արդեն  երկու տարի է, ինչ Հայաստանի Հանրապետության կառավարության որոշմամբ նոյեմբերի 4-ը նշվում է որպես սոցիալական աշխատողի օր:
Հարգելի  սոցաշխատողներ.
Ձեզ եմ հղում անկեղծ շնորհավորանքներս  մասնագիտական տոնի` սոցիալական աշխատողի օրվա առիթով: Ձեր ուսերին  է ընկած  կարևորագույն և  ամենապատասխանատու  առաջադրանքներից մեկը, այն է`  քաղաքացիների սոցիալական պաշտպանությունը, որը հիմնված է յուրաքանչյուր մարդու հանդեպ անհատական մոտեցման  ցուցաբերման  սկզբունքի վրա: Այս առաքելության իրականացումը անհնար  կլիներ առանց Ձեր բարեխիղճ  և անձնանվեր  աշխատանքի: Հենց Ձեր տքնաջան աշխատանքի շնորհիվ  է, որ  միայնակները, տարեցները, ՀՄՊ վետերանները, զոհված զինծառայողների ընտանիքների անդամները, առանց ծնողական խնամքի մնացած երեխաները, հաշմանդամները, հասարակության սոցիալապես խոցելի բոլոր խավերը և  կյանքի դժվարին իրավիճակներում հայտնված մարդիկ կարողանում են հաղթահարել իրենց առջև ծառացած խնդիրներն ու  դժվարությունները:
Այսօր սոցիալական աշխատողի դերը յուրաքանչյուր քաղաքացու կյանքում կարևորվում է  նրանով, որ  նրա աշխատանքի հիմքում  ընկած է խոցելի խմբերի խնդիրների կարգավորումը, լուծումը, նրանց հասարակության մեջ ինտեգրման հնարավորությունների զարգացումն ու ընդլայնումը:
Մաղթում  եմ Ձեզ քաջառողջություն, բարեկեցություն, նորանոր հաջողություններ  Ձեր վեհ ու մարդասիրական առաքելության մեջ:

ԼՂՀ սոցիալական ապահովության նախարար       Ն. Ասծատրյան

ԿԻՍՎԵԼ