2010 թվակա
նի նոյեմբերի 16-ին ԼՂՀ սոցապահովության նախարարությունում կայացավ խորհրդակցություն նախարար Ն. Ասծատրյանի գլխավորությամբ: Խորհրդակցությանը ներկա էին փոխնախարար Լ. Ղուլյանը, Քաշաթաղի շրջվարչակազմի ղեկավար Ս. Խաչատրյանը և համապատասխան ստորաբաժանումների ղեկավարները:
Խորհրդակցությունը վարում էր նախարարը:
Օրակարգում ընդգրկված էր Քաշաթաղի շրջանի բնակիչների բնակարանային խնդիրների հարցը:
Բարձրացված հարցի շուրջ ներկաները հանդես եկան առաջարկություններով: Տևական քննարկումներից հետո նախարար Ն. Ասծատրյանը համապատասխան ստորաբաժանումների ղեկավարներին տվեց կոնկրետ հանձնարարականներ, հստակեցվեցին յուրաքանչյուր ստորաբաժանման անելիքները` առկա խնդիրները սահմանված ժամկետներում լուծելու ուղղությամբ: Աշխատանքները ավելի արդյունավետ կազմակերպելու նպատակով որոշվեց ստեղծել աշխատանքային խումբ` ընդգրկելով մասնագետներ ԼՂՀ սոցիալական ապահովության նախարարությունից, Քաշաթաղի շրջվարչակազմից և շրջանի համայնքներից: Խմբի ղեկավար նշանակվեց փոխնախարար Լ. Ղուլյանը:
