2011թ. մարտի 1-ին ԼՂՀ Սոցապահովության նախարար Ն. Ասծատրյանի մոտ տեղի ունեցավ հանդիպում` Կարմիր խաչի միջազգային կազմակերպության ԼՂՀ ներկայացուցիչ Պ. Ստատակիսի հետ: Հանդիպմանը ներկա էին նախարարի խորհրդականներ Ռ. Սարգսյանը և Դ. Ավետիսյանը:
Օրակարգում ընդրկված էին հետևյալ հարցերը.
1. 2010թ. համագործակցության ծրագրերի ամփոփում,
2. 2011թ. կատարվելիք աշխատանքների և 2012թ. հունիս-հուլիս ամիսների պլանային ծրագրերի մասին քննարկում:
Պ. Ստատակիսը իր գոհունակությունը հայտնեց հանրապետության մի շարք բարձրաստիճան պաշտոնյաների կողմից ցուցաբերված ջերմ ընդունելության համար: Նա նեկայացրեց, որ այժմ Կարմիր խաչի կոմիտեն աշխատում է մի ծրագրի վրա, որի նպատակն է սատարել Ղարաբաղյան հակամարտության հետևանքով անհայտ կորածների ընտանիքներին: Անհայտ կորածների ընտանիքները խիստ կարիքավոր խումբ են կազմում և նման ծրագրի շնորհիվ հիշյալ ընտանիքները հնարավորություն կստանան հաղթահարել առօրյա կյանքում առկա անորոշության զգացումը: Նշելով, որ ծրագրում ընդգրկված են 381 ընտանիք, նա ընդգծեց նաև նման ընտանիքների բնակարանային պայմանների բարելավման խնդիրը: Ի պատասխան` նախարար Ն. Ասծատրյանը նշեց, որ ներկայումս պետական միջոցներով բարելավվում են զոհված ազատամարտիկների ընտանիքների բնակարանային պայմաները:
Պ. Ստատակիսը հետաքրքրվեց նաև ականերից տուժած քաղաքացիներին ցուցաբերվող աջակցության մասին: Պատասխանելով բարձրացված հարցին` նախարարը նշեց, որ հիշյալ քաղաքացիները, համապատասխան բժշկական փաստաթղթերով կարող են դիմել ԼՂՀ սոցապահովության նախարարության համակարգում գործող ԲՍՓ կենտրոն, որն, օրենքով սահմանված կարգով, իրականացնում է քաղաքացիների բժշկասոցիալական փորձաքննություն` աշխատունակության կորստի աստիճանի որոշման և հաշմանդամության սահմանման նպատակով: Բացի այդ նախարարության համակարգում գործում է նաև պրոթեզաօրթոպեդիկ կենտրոն, որն ապահովում է քաղաքացիներին պրոթեզաօրթոպեդիկ պարագաներով, վերականգնման տեխնիկական և այլ օժանդակ միջոցներով:
Նախարար Ն. Ասծատրյանը նշեց, որ ԿԽՄԿ-ի հետ համագործակցության շրջանակներում, այս կամ այն ծրագիրը կյանքի կոչելու նպատակով` անհրաժեշտության դեպքում իրականացվում է համապատասխան տեղեկատվության փոխանակում:
