ՂՀ Մարտունու շրջանի Սոս գյուղի համայնքապետի հաշվետվություն

ԼՂՀ սոցապահովության նախարար Ն. Ասծատրյանը ս.թ. մարտի  18-ին մասնակցեց Մարտունու շրջանի Սոս  գյուղում հրավիրված հաշվետու ժողովին, որի ընթացքում Սոսի  համայնքապետ  Ի. Ղահրամանյանը հանդես եկավ  2010 թվականին իրականացրած աշխատանքների հաշվետվությամբ և ներկայացրեց 2011 թվականի անելիքները: Ժողովին մասնակցում էր Մարտունու  շրջվարչակազմի ղեկավար Ա. Ավանեսյանը:
Հանդիպման ընթացքում համայնքապետը անդրադարձավ համայնքում առկա խնդիրներին, որոնք հիմնականում վերաբերում էին  դպրոցի շենքի անմխիթար վիճակին, մանկապարտեզի տանիքի վերանորոգմանը, ակումբի, սպորտդահլիճի  բացակայությանը,  գյուղի ծայրամասային տեղերում լուսավորմանը, ամբուլատորիայի հեռախոսակապի բացակայությանը:
Առաջադրված խնդիրների շուրջ պարզաբանումներ տալուց հետո Ն. Ասծատրյանը կատարեց քաղաքացիների ընդունելություն: Բարձրացված հարցերից որոշները  տեղում լուծում ստացան, իսկ լրացուցիչ ուսումնասիրություն պահանջող մյուս հարցադրումները վերցվեցին նախարարի հսկողության տակ:
Հանդիպման վերջում նախարար Ն. Ասծատրյանը և Մարտունու շրջանի վարչակազմի ղեկավար  Ա. Ավանեսյանը հանդես եկան եզրափակիչ խոսքով:

ԿԻՍՎԵԼ