Ս.թ. մարտի 24-ին Լեռնային Ղարաբաղի Հանրապետության Նախագահ Բ. Սահակյանը, սոցապահովության նախարար Ն. Ասծատրյանը և պաշտոնատար այլ անձինք այցելեցին ԼՂՀ սոցապահովության նախարարության համակարգում գործող ՙՍտեփանակերտի տուն-ինտերնատ՚ ՊՈԱԿ: Այցի նպատակն էր տեղում ծանոթանալ նշված հաստատության շենքային պայմաններին, սպասարկման կարգին և քննարկել ընթացիկ տարում հաստատության կապիտալ հիմնանորոգման հետ կապված աշխատանքները, որոնք կիրականացվեն Մոսկվայի “Լուդինգ” ընկերության համասեփականատեր Արմեն Շախազիզյանի հովանավորությամբ: Հանդիպմանը ներկա էր նաև “Մոդերն” ՓԲԸ տնօրեն Մ. Մելքումյանը, ով տեղում նախագահին ներկայացրեց կատարվելիք աշխատանքների պլանը և պատասխանեց մի շարք հարցերի` կապված աշխատանքների իրականացման հետ:
Նախագահ Բ. Սահակյանը կոնկրետ հանձնարարականներ տվեց համապատասխան մարմինների ղեկավարներին` աշխատանքների պատշաճ իրականացման ուղղությամբ:
