Հիշարժան տարեթվերի օրացույցում մայիսի 15-ը նշվում է որպես ընտանիքի միջազգային օր:
Իբրև հասարակության կառուցվածքային միավոր, ընտանիքը միշտ եղել և մնում է մարդկային ու մշակութային արժեքների պահապան, ապահովում է սերունդների պատմական շարունակականությունը, հանդես է գալիս կայունության ու զարգացման գործոն: Հենց ընտանիքում է երեխան առաջին անգամ անպարփակ ուրախություն ապրում ծնողական սիրո ջերմությունից: Ընտանիքից է սկսվում մարդու կյանքը, այստեղ է տեղի ունենում նրա ձևավորումը որպես քաղաքացի:
Ընտանիքը սիրո, հարգանքի, համերաշխության, հավատարմության ու նվիրվածության աղբյուր է: Շնորհիվ ընտանիքի, ամրապնդվում և զարգանում է պետությունը, բարձրանում է ժողովրդի բարեկեցությունը: Պատահական չէ, որ ընտանիքի բարեհաջողությունը ոչ հազվադեպ օգտագործվում է որպես երկրի զարգացման և առաջընթացի չափանիշ:
Լեռնային Ղարաբաղի Հանրապետությունում ընտանիքը պետական ժողովրդագրական քաղաքականության հիմնական օբյեկտ է: Ավանդապաշտ, առողջ և ամուր ընտանիքների ստեղծմանն ու ժողովրդագրական իրավիճակի հետագա բարելավմանը նպատակաուղղված են մի շարք ծրագրեր: Վերջին տարիներս, ի թիվս այլ կարևոր ծրագրերի, հատկապես առանձնանում է պետական աջակցության ծրագիրը երիտասարդ ընտանիքներին:
Շնորհավորելով ընտանիքի միջազգային օրվա կապակցությամբ, արցախյան բոլոր ընտանիքներին մաղթում եմ սեր, հավատ, միություն և, իհարկե, բարեկեցություն:
ԼՂՀ սոցապահովության նախարար
Ն. Ասծատրյան