2011թ. հունիսի 1
4-ին Ստեփանակերտի մշակույթի և երիտասարդության պալատում տեղի ունեցավ հանդիսավոր երեկո` նվիրված ԼՂՀ սոցապահովության համակարգի 80-ամյակին և սոցիալական աշխատողի օրվան: Երեկոյին ներկա էին ԼՂՀ նախագահ Բ. Սահակյանը, պաշտոնատար այրեր, սոցիալական համակարգի աշխատողներ, հյուրեր, հրավիրվածներ: ԼՂՀ սոցապահովության հիմնադրման և 80-ամյա գործունեության մասին տեսահոլովակը դիտելուց հետո, շնորհավորական ուղերձով հանդես եկավ ԼՂՀ սոցապահովության նախարար Ն. Ասծատրյանը: Համակարգի հոբելյանին և սոցիալական աշխատողի օրվան նվիրված հանդիսավոր արարողության առթիվ շնորհավորանքի խոսք ասաց նախագահ Բ. Սահակյանը` ջերմ բարեմաղթանքներ հղելով սոցաշխատողներին, և համակարգի աշխատողներ ԼՂՀ սոցապ. նախարարի 1-ին տեղակալ Լենստոն Լևոնի Ղուլյանին, ընտանիքի և երեխանների հիմնահարցերի վարչության պետ Սամվել Շախմուրադի Դադայանին և ՙՍտեփանակերտի տուն-ինտերնատ՚ ՊՈԱԿ-ին` ոլորտում ներդրած մեծ ավանդի համար պարգևատրեց ԼՂՀ ՙԵրախտագիտության՚ մեդալով: Միջոցառման պաշտոնական մասի ավարտից հետո տեղի ունեցավ տոնական համերգ: Համերգի փոքրիկ մասնակիցների փայլուն կատարումները մեծ ջերմությամբ ընդունվեցին ներկաների կողմից:
Գլխավոր
ՏԵՂԵԿԱՏՎԱԿԱՆ ՀԱՐԹԱԿ
Նորություններ Հանդիսավոր երեկո` նվիրված ԼՂՀ սոցապահովության համակարգի 80-ամյակին և սոցաշխատողի օրվան
