Խորհրդակցություն սոցիալական ապահովության տարածքային բաժինների պատասխանատուների մասնակցությամբ

Ս.թ. ապրիլի 18-ին ԼՂՀ սոցապահովության նախարարությունում կայացավ խորհրդակցություն նախարար Ն. Ասծատրյանի գլխավորությամբ: Խորհրդակցությանը ներկա էին  փոխնախարար  Լ. Ղուլյանը, կենսաթոշակային ապահովության վարչության պետ Վ. Առաքելյանը, աշխատակազմի սոցիալական ապահովության տարածքային բաժինների պատասխանատուները:
Հանդիպման ընթացքում բոլոր ստորաբաժանումների ղեկավարները  հանդես եկան հակիրճ  տեղեկատվությամբ` ոլորտում առկա խնդիրների մասին: Հիմնականանում մտահոգություն հնչեցվեց բոլոր շրջաններում կենսաթոշակների  նշանակման, վճարման և ապահովադիրների հաշվառման “Արաքս” տեղեկատվական համակարգի շահագործման հետ կապված տեխնիկական խնդիրների լուծման վերաբերյալ:
Ստորաբաժանումների առկա մյուս բոլոր խնդիրների և հարցերի շուրջ նախարար Ն.  Ասծատրյանը հանձնարարեց  համագործակցել կենսաթոշակային ապահովության վարչության պետի հետ և գրավոր ներկայացնել ոլորտում ծագած խնդիրները` սեղմ ժամկետներում դրանց լուծում տալու նպատակով:

ԿԻՍՎԵԼ