Հանդիպում ԼՂՀ-ում Կարմիր խաչի միջազգային կոմիտեի առաքելության ղեկավար Ռոման Պարամոնովի հետ

Ս.թ. սեպտեմբերի 26-ին ԼՂՀ աշխատանքի և սոցիալական հարցերի նախարար  Ն. Նարիմանյանը ընդունել է ԼՂՀ-ում Կարմիր խաչի միջազգային կոմիտեի առաքելության ղեկավար Ռոման Պարամոնովին: Հանդիպման ընթացքում քննարկվել են  Արցախի և Կարմիր Խաչի  միջև համագործակցության հարցերը և դրանց ակտիվացմանն ուղղված օպտիմալ մեխանիզմները:
Ռ.  Պարամոնովը  համառոտ ներկայացրեց Կարմիր խաչի միջազգային կոմիտեի կողմից Արցախում առ այսօր իրականացված ծրագրերը և այն նախագծերը, որոնք նախատեսված են կյանքի կոչել մոտ ապագայում:
Բարձր գնահատելով Կարմիր Խաչի համագործակցությունը Արցախյան կառավարության հետ և ընդգծելով  երկու կողմերի  միջև առկա վստահության  կամուրջները` նախարար Ն. Նարիմանյանը պատրաստակամություն է հայտնել շարունակելու սերտ համագործակցությունը` նախատեսված բոլոր ծրագրերը կյանքի կոչելու նպատակով: