Այսօր ԼՂՀ աշխատանքի և սոցիալական հարցերի նախարար Նարինե Նարիմանյանը հանդիպել է որբերի աջակցման ծրագրերով զբաղվող ամերիկյան SOAR հասարակական կազմակերպության ներկայացուցիչ, Ղարաբաղում գործող <<Աղավնի>> ՀԿ նախագահ Արմեն Ռաքեջյանին։
Հանդիպմանը, որին ներկա էր նաեւ Ստեփանակերտի թիվ 1 գիշերօթիկ հաստատության տնօրեն Նոնա Մուսայելյանը, քննարկվել են SOAR-ի կողմից Արցախում իրականացված և նախատեսվող ծրագրերը։ Արմեն Ռաքեջյանը տեղեկացրել է, որ ամերիկյան կազմակերպությունը մեկ ավտոմեքենա է նախատեսում տրամադրել գիշերօթիկ հաստատությանը, ինչպես նաև օգնություն ցուցաբերել հաստատության 18 տարին լրացած սաներին և հանրապետության այն ծնողազուրկ երեխաներին, ովքեր գիշերօթիկի հոգածության տակ չեն գտնվում:
