2014 թվականի դեկտեմբերի 1-ին, ԼՂՀ աշխատանքի և սոցիալական հարցերի նախարար Ս.Ավանեսյանի նախագահությամբ, կայացավՀաշմանդամություն ունեցող անձանց հարցերով զբաղվող հանձնաժաղովի հերթական նիստը:
Նիստին մասնակցում էին ԼՂՀ ԱՍՀ նախարարի տեղակալ Լ.Ղուլյանը, ԼՂՀ ԱՍՀՆ սոցիալական աջակցության և հասարակայնության հետ կապերիբաժնի պետ, հանձնաժողովի քարտուղար Ս.Իսրայելյանը, ԲՍՓ կենտրոնի տնօրեն Հ.Հակոբյանը, աշխատանքի և զբաղվածության գործակալության պետ Հ.Պետրոսյանը, ԼՂՀ առողջապահության նախարարի տեղակալ Կ.Ղուկասյանը, ԼՂՀ արդարադատության նախարարիտեղակալ Կ.Դանիելյանը, ԼՂՀ մշակույթի և երիտասարդության հարցերի նախարարի տեղակալ Գ.Գրիգորյանը, ԼՂՀ կրթության և գիտությաննախարարի տեղակալ Ա.Սարգսյանը, Արցախյան գոյամարտի «Վիտա» ՀԿ նախագահ Ա.Պետրոսյանը, ԼՂՀ «Խուլերի միավորում» ՀԿ նախագահԲ.Գրիգորյանը, ԼՂՀ «Կույրերի միավորում» ՀԿ նախագահ Վ.Վարդանյանը, Արցախյան պատերազմի ընթացքում տեսողությունը կորցրածհաշմանդամների «Լուսաբաց» ՀԿ նախագահ Ս.Բեգլարյանը:
Նիստի ընթացքում քննարկվել են հաշմանդամների սոցիալական պաշտպանության 2014թ. տարեկան ծրագրով նախատեսված միջոցառումների իրականացման ընթացքը, որը գնահատվել է բավարար, հաշմանդամների սոցիալական պաշտպանության 2015թ. տարեկան ծրագրի նախագիծը, որը հաստատվել է, և այլ ընթացիկ հարցեր:
Նաև հանձնաժողովի անդամների կողմից որոշվել է համապատասխան գերատեսչությունների հետ խորհրդակցել և համագործակցությամբ լուծել մատնախոս-թարգմանիչ մասնագետների պատրաստման խնդիրը, «Լուսաբաց» հասարակական կազմակերպության նախագահ Ս. Բեգլարյանի ներկայացրած երկու հաշմանդամների բնակարանային պայմաններին հանգամանորեն ծանոթանալ և համապատասխան առաջարկով դիմել լիազոր գերատեսչությանը` խնդրին դրական լուծում տալու, մշակույթի նախարարության կողմից կազմակերպվող միջոցառումներին հաշմանդամներին հրավիրելու առաջարկին հավանություն տրվեց անմիջապես և ընդունվեց ի գիտություն և ԼՂՀ ՄԵՀ նախարարի տեղակալ Գ.Գրիգորյանի առաջարկով երիտասարդների համար համապատասխան սեմինար-խորհրդակցություն կազմակերպել՝տարեցների, միայնակ կենսաթոշակառուների և հաշմանդամների խնամքի կազմակերպման հարցերում երիտասարդական ներուժը հաշվի առնելուև երիտասարդական կազմակերպությունների անդամներին կամավորության սկզբունքով խնամատարների ցանկում ընդգրկելու նպատակով:
