Գիշիում ընթանում են մաքրման աշխատանքներ

ՍՏԵՓԱՆԱԿԵՐՏ, 28 հունիսի, ԱՐՑԱԽՊՐԵՍ։ Այս  մասին  «Արցախպրես»-ի   թղթակցի  հետ  զրույցում  ասել  է   Գիշիի  համայնքի  ղեկավար   Հայկ  Համբարձումյանը՝  նշելով, որ  ծրագրի   շրջանակներում  մաքրման   և  բարեկարգման    աշխատանքներ  են  ընթանում   Հայրենական մեծ պատերազմում և Արցախյան գոյամարտում նահատակվածների  հիշատակին կառուցված հուշարձանների տարածքում, ինչպես նաև գյուղամիջյան 4 կմ երկարությամբ ճանապարհահատվածի վրա:

Ըստ    համայնքի  ղեկավարի՝   աշխատանքներին    ներգրավված  են    6    քաղաքացի, ովքեր     աշխատանք   չունենալու   պատճառով    դիմում  էին  ներկայացրել  ԱՀ  աշխատանքի, սոցիալական և բնակարանային հարցերի նախարարություն:  Ծրագրի  ավարտին աշխատողներից    յուրաքանչյուրին տրամադրվելու  է   101  հազար   280  ՀՀ դրամ գումար:

«Մենք   կարևորում ենք   այս  ծրագրի իրականացումը    համայնքներում, քանի  որ  այն    առաջին  հերթին   լուծում  է     գյուղաբնակների  սոցիալական  հարցերը, ինչպես  նաև      արդյունքում   համայնքները   բարեկարգվում  և  նոր  տեսք  են  ստանում:   Նշեմ, որ     ընթացիկ  տարվա   մարտի  մեկից   համայնքում   գործում է  շրջիկ  աղբահանման  մեքենա. այս  կերպ  փորձում  ենք  գյուղը  դարձնել   էլ  ավելի  մաքուր   և  անվտանգ»,- մասնավորապես  ասել  է   գյուղապետը: