«Հայ կանանց բարեկեցության միություն» կազմակերպության հոգաբարձուների խորհրդի անդամներս այստեղ ենք, որպեսզի տեսակցենք «Հանգանակ» հասարակական կազմակերպության տարեցներին, խոսենք աշխատակիցների հետ, քննարկենք հետագա անելիքները, ինչպես նաև շնորհավորենք ՀԿ-ի գործունեության 15-ամյակը:
ՍՏԵՓԱՆԱԿԵՐՏ, 23 հոկտեմբերի, ԱՐՑԱԽՊՐԵՍ: Արցախի Հանրապետության Նախագահ Բակո Սահակյանի հետ հանդիպումից հետո այս մասին «Արցախպրես»-ի թղթակցի հետ զրույցում ասել է «Հայ կանանց բարեկեցության միություն» կազմակերպության հոգաբարձուների խորհրդի անդամ Մարթա Մենսոյանը:
Նրա խոսքով՝ 15 տարիների ընթացքում իրենք հիմնականում իրականացրել են սոցիալական մի շարք ծրագրեր. տարեցներին տրամադրել են դեղամիջոցներ, ապահովել պարենամթերքով, ինչպես նաև փոխհատուցել ջեռուցման գումարը:
Մ. Մենսոյանը նշել է, որ իրենք ցանկություն ունեն Ասկերանում բացելու «Հանգանակ» հասարակական կազմակերպության մասնաճյուղ. հարցը քննարկման փուլում է:
