Դառը 
ճակատագիր է բաժին հասել այդ երեխաներին: Պատերազմ, զրկանքներ, ընտանեկան դժվարություններ: Նրանք, 18-ը դեռ չբոլորած, կարոտ են ծնողական գուրգուրանքի: Կյանքը, սակայն, շարունակվում է, և այդ երեխաները, շնորհիվ հարազատների ջերմության, պետական հոգածության ու հովանավորչական աջակցության, ավելի են գոտեպնդվում և ամուր հավատով լցվում վաղվա օրվա հանդեպ:
Այս անգամ, արդեն ձևավորվող ավանդույթի համաձայն, առանց ծնողական խնամքի մնացած երեխաներին հաճելի անակնկալ մատուցեց Հայ Առաքելական եկեղեցու Արցախի հոգևոր թեմը: Նրա նվիրատվությունը` յուրաքանչյուր երեխայի 76500 դրամ, բաշխեց ԼՂՀ սոցապահովության նախարարությունը: Այդ առթիվ կայացած հավաքում երեխաներն ու նրանց խնամակալները խորին շնորհակալություն հայտնեցին Արցախի հոգևոր թեմին` մեծահոգության, իսկ սոցապահովության նախարարությանը` գործընթացը հստակ կազմակերպելու համար:
