Ի կատարումն
ԼՂՀ կառավարության 2009 թ. մայիսի 21-ի թիվ 318-Ն որոշման պահանջների,արդեն երկրորդ տարին է ԼՂՀ սոցապահովության նախարարության նախաձեռնությամբ պետբյուջեի միջոցների հաշվին տեսողության խնդիրներ ունեցող անձանց ուսուցանվում է ՙԱրև՚ համակարգը:
Հերթական` համակարգչային դասընթացները` տեսողությունից զուրկ 12 հաշմանդամների ընգրկմամբ, անցկացվեցին նախարարության կազմում գործող պրոթեզաօրթոպեդիկ կենտրոնում. ս.թ. օգոստոսի 10-23-ը Երևանի Մերգելյանի անվան մաթեմատիկական մեքենաների գիտահետազոտական ինստիտուտի մասնագետները նրանց սովորեցրին համակարգչի լեզուն:
Այսօր, օգոստոսի 23-ին, դասընթացներն ավարտելու մասին վկայականներ հանձնվեցին հաշմանդամներին, իսկ նախարարության կողմից նրանց տրամադրվեց համակարգչային լրակազմ տեխնիկա:
Այսպիսով, 2 տարվա ընթացքում “Արև” համակարգի դասընթացներն ավարտել են 18 հաշմանդամներ` դրանով իսկ ստանալով հասարակությանն ինտեգրվելու ևս մեկ հնարավորություն:
