Հանդիպում “Վիտա” և “Լուսայգ” հասարակական կազմակերպությունների անդամների հետ

Ս.թ. նոյեմբերի 12-ին տեղի ունեցավ  “Վիտա” և  “Լուսայգ” հասարակական կազմակերպությունների անդամների հանդիպումը ԼՂՀ ԱԺ սոցիալական  ոլորտի հարցերի մշտական հանձնաժողովի նախագահ Զ. Լազարյանի, ԼՂՀ սոցապահովության նախարար Ն. Ասծատրյանի, փոխնախարար Լ.Ղուլյանի, ԼՂՀ առողջապահության   փոխնախարար      Ա. Պողոսյանի հետ:
Հանդիպման ընթացքում ՀԿ  նախագահների կողմից բարձրացվեցին մի շարք հարցեր, առաջարկություններ, որոնք  հիմնականում առնչվում էին  հաշմանդամների համար կենսական  նշանակության խնդիրներին: Որոշ հարցեր լուծվեցին տեղում:
Հանդիպման վերջում  ՀԿ անդամները իրենց գոհունակությունը հայտնեցին Ուկրաինայի  պաշտպանության  նախարարության  Ն. Ի. Պիրոգովի  անվան “Սակիի կենտրոնական զինվորական կլինիկական առողջարան”  ԱՁ-ում իրենց բուժումը կազմակերպելու և ՙԱրև՚ ծրագիրը իրականացնելու, ինչպես նաև նրանց մշտապես ուշադրության կենտրոնում պահելու համար:
Նախարար Ն. Ասծատրյանը, իր հերթին,  շնորհակալության հայտնեց հանդիպման համար,  մաղթեց նրանց առողջություն և  նշեց, որ ցանկալի է ավելի հաճախակի կազմակերպել նման հանդիպումներ:

ԿԻՍՎԵԼ