Այն փաստը, որ դեկտեմբերի 3-ը ամբողջ աշխարհում նշվում է որպես հաշմանդամների միջազգային օր, վկայում է այն մասին, որ այսօր, առավել քան երբևէ հանրության ուշադրությունը սևեռված է սահմանափակ կարողություններով անձանց, նրանց ընտանիքների վրա: Ցավոք անհերքելի է այն փաստը, որ պատերազմը ծանր հետևանքներ է թողել, որի արդյունքում հաշմանդամների թիվը կտրուկ աճել է մեր հանրապետությունում: Մենք բոլորս քաջ գիտակցում ենք առօրյա կյանքում հաշմանդամներին հանդիպող բազում դժվարություններն ու արգելքները, քանի որ այս խնդիրը ոչ միայն սոցիալական, այլև բարոյական նշանակություն ունի:
Այսօր լուրջ քայլեր են ձեռնարկվում հաշմանդամներին հասարակության մեջ ինտեգրելու, նրանց իրավունքներն ու շահերը պաշտպանելու, հիմնախնդիրները լուծելու համար:
Սահմանափակ կարողություններով անձինք մշտապես գտնվում են պետության ուշադրության կենտրոնում: ԼՂՀ սոցիալական ապահովության նախարարությունը տարաբնույթ ծրագրերի շրջանակներում հետևողականորեն անդրադառնում է սահմանափակ կարողություններով անձանց խնդիրներին:
Սիրելի հայրենակիցներ, Ձեզ մաղթում ենք առողջություն, հաջողություն, երջանկություն: Թող Ձեր բոլոր ցանկությունները իրականություն դառնան:
