Ս. թ. մարտի 15-ին ԼՂՀ սոցապահովության նախարարի մոտ տեղի ունեցավ հանդիպում ֆիզիոթերապիստների միջազգային միության անդամներ Կ. Պետիտի և Լ. Էուվերտենայի հետ, որոնք Արցախ են ժամանել ՙՔերոլայն Քոքսի անվան վերականգնողական կենտրոն՚ ՊՈԱԿ-ի գործադիր տնօրեն Վ. Թադևոսյանի նախաձեռնությամբ:
Կ. Պետիտը շնորհակալություն հայտնեց ջերմ ընդունելության համար և նշեց, որ առաջին անգամ է Արցախում: Այցի նպատակն է` ծանոթանալ սոցիալական ոլորտում առկա խնդիրների լուծման ուղղությամբ տարվող քաղաքականությանը, բացահայտել միասնական համագործակցության, փորձի և գիտելիքների փոխանակման և հաշմանդամներին հասարակություն ինտեգրելու ճանապարհին վերականգնողական միջոցառումների ճիշտ և լիարժեք կազմակերպման հնարավորությունները:
Ողջունելով հյուրերին` նախարար Ասծատրյանը համառոտ ներկայացրեց երկրում տիրող սոցիալական վիճակը, այդ ուղղությամբ պետության կողմից տարվող քաղաքականությունը: Հանդիպման ժամանակ Լ. Էուվերտենան հետաքրքրվեց նաև նախարարության համակարգում գործող ԲՍՓ կենտրոնի, ՙՍտեփանակերտի պրոթեզաօրթոպեդիկ կենտրոն՚ և ՙՍտեփանակերտի տուն-ինտերնատ՚ ՊՈԱԿ-ների գործնեության մասին:
Հանդիպման վերջում նախարարը իր երախտագիտության խոսքը հղեց հյուրերին` ավելացնելով, որ արդյունքի հասնելու համար ցանկալի է նման հանդիպումները ունենան շարունակական բնույթ, ինչը ողջունվեց մասնակիցների կողմից:
Գլխավոր
ՏԵՂԵԿԱՏՎԱԿԱՆ ՀԱՐԹԱԿ
Նորություններ Հանդիպում ֆիզիոթերապիստների միջազգային միության անդամներ Կ. Պետիտի և Լ. Էուվերտենայի հետ
