ԼՂՀ վարչապետի` 2013թ-ի փետրվարի 28-ի որոշմամբ ստեղծվել էր Հաշմանդամության հարցերով զբաղվող հանձնաժողով, որի նպատակը հաշմանդամություն ունեցող անձանց հավասար իրավունքների և հավասար հնարավորությունների ապահովումն էր: Հանձնաժողովի աշխատանքային գործունեության կազմակերպական-տեխնիկական ապահովման հանձնառուն ԼՂՀ աշխատանքի և սոցիալական հարցերի նախարարությունն է` նախարար Ն.Կ. Նարիմանյանի նախագահությամբ:
Ս.թ. ապրիլի 9-ին աշխատանքի և սոցիալական հարցերի նախարարությունում տեղի ունեցավ Հանձնաժողովի անդրանիկ նիստը: Նիստին ներկա էին հանձնաժողովի բոլոր անդամները, ովքեր ներկայացնում էին հաշմանդամություն ունեցող անձանց իրավունքների և շահերիպաշտպանության պատասխանատու պետական լիազոր մարմիններ ու հասարակական կազմակերպություններ: Օրակարգում ընդգրկված էր երկու հարց` ա/ հաշմանդամություն ունեցող անձանց հարցերով զբաղվողհանձնաժողովի 2013թ. աշխատանքային պլանի հաստատում, բ/ հաշմանդամների վերականգնմանն ու զբաղվածության ապահովման խնդրիարդյունավետ լուծմանն ուղղված Վերականգնողական անհատական ծրագրի /ՎԱԾ-ի/ ներդրման անհրաժեշտությունն ու դրա կիրառման մեխանիզմները:
Ողջունելով նիստին ներկա անդամներին` նախարարը նախ ներկայացրեցհաշմանդամություն ունեցող անձանց հարցերով զբաղվող հանձնաժողովիստեղծման շարժառիթները, կարևորեց խորհրդակցական այդ նորաստեղծմարմնի դերը, որի գործունեության նպատակը հաշմանդամություն ունեցող անձանց հավասար իրավունքների և հավասար հնարավորություններիապահովմանն աջակցելն է, իրականացվող աշխատանքների համակարգումն ու դրանք առավել արդյունավետ ու հասցեագրված դարձնելն է: Ապանիստի անդամների քննարկմանը ներկայացրեց Հանձնաժողովի 2013թ-ի աշխատանքային պլանը` եռամսյա պարբերականությամբ գումարվելիք նիստերի օրակարգերով, դրանց կատարման մոտավոր ժամանակացույցով ու համապատասխան հանձնարարականներով:
Հաշմանդամների վերականգնմանն ու զբաղվածության ապահովման խնդրի արդյունավետ լուծմանն ուղղված Վերականգնողական անհատական ծրագրի /ՎԱԾ-ի/ ներդրման անհրաժեշտության ու դրա կիրառման մեխանիզմների մասին տեղեկատվությամբ հանդես եկավ ԼՂՀ աշխատանքի և սոցիալական հարցերի նախարարության ԲՍՓ կենտրոնի տնօրեն Հ.Հակոբյանը` նշելով, որ ՎԱԾ-ն ունի երաշխավորականբնույթ, այն սահմանում է վերականգնողական միջոցառումների ծավալները, տեսակները, աշխատանքային անհրաժեշտ պայմանները ևգործունեության սահմանափակվածությամբ պայմանավորված հատուկ տեխնիկական միջոցների և ծառայությունների տեսակները: Հատկանշվեց այն փաստը, որ ՎԱԾ-ը հաշմանդամների վերականգնողական միջոցառումներն իրականացնող ամենարդյունավետ մեխանիզմն է և ապահովում է այդ գործընթացում անհատականի հաշվառումն ու նրա հասցեագրված իրականացումը:
Հանձնաժողովի անդամները ողջունեցին Հանձնաժողովի ստեղծումը` այն դիտարկելով որպես կարևորագույն մարմին, որը պետք է ուղղորդի իրականացվող աշխատանքները և համակարգված ու արդյունավետ լուծի հաշմանդամություն ունեցող անձանց խնդիրները:
Հանձնաժողովի անդրանիկ նիստը դարձավ հաշմանդամություն ունեցող անձանց խնդիրների լուծման որակային նոր փուլ նախանշող մեկնարկ:
